Peshëngritja është një sport i fortë që përbëhet nga ngritja e peshave dhe është një nga sportet më të vjetra në botë. Sportisti vlerësohet nga dy lëvizjet e tij ose të saj: rrëmbimi dhe pastrimi dhe hovi.
Ky sport është përfaqësuar zyrtarisht në Lojërat Olimpike moderne që nga fillimi në 1896 (dhe Sidnei në 2000 për ngjarjet e Grave).
Gjate vitit 2022 Federata Shqiptare e Peshengritjes ka arritur te realizoje disa aktivitete.
Më 25 Maj- 02 Qershor u zhvillua Kampionati I 100-të Evropian për të rritur në qytetin e Tiranës pranë Pallatit të sportit “Feti Borova”.
Në këtë aktivitet morrën pjesë 40 shtete të Evropës, duke u përfaqësuar me sportistët e tyre më të mirë. Në Tiranë erdhën rreth 500 sportistë dhe 150 zyrtarë. Ky aktivitet ka pasur një rëndësi të vecantë nga mënyra e organizimit.
Më datë 27.05.2022, ora 17:00u zhvillua ceremonia e hapjes së këtij aktiviteti madhor, ku ishin të pranishëm Kryetari i Bashkisë Tiranë z. Erion Veliaj dhe Ministria e Arsimit dhe Sporteve znj. Evis Kushi dhe Presidenti i Komitetit Olimpik Kombëtar Shqiptar z. Fidel Ylli.Në këtë aktivitet marrën pjesë dhe personalitetet më të larta të Federatës Botërore të Peshëngritjes, si Sekretari i Përgjithshëm Z.Mohamed Jalood, njëkohësisht dhe katër (4) Presidentët e kontinenteve.
Në këtë aktivitet Shqipëria u përfaqësua nga disa sportistë, ndër ta sportisti Erkand Qerimaj u shpall kampion Evrope në stilin e shkëputjes duke arritur një sukses të madh në peshëngritjen shqiptare. Erkand Qerimaj fitoi medalje ari në stilin e shkëputjes me 150kg në kategorinë 73kg.
Më datë 25-26 Qershor 2022 Federata Shqiptare e Peshëngritjes mundesoi eventin madheshtor te kongresit ( te Federates Boterore) per zgjedhjet e Presidentit te ri, z.Mohammad Jalood. Ne . Ishin të pranishëm 156 Presidentë dhe Sekretarë nga e gjithe bota.
Eventi u zhvillua në Pallatin e Kongreseve dhe zgjati dy ditë.
Ky ishte një aktivitet I rëndësishëm për federatën tone,gjithashtu dhe për Shqipërine.
Pas realizimit të zgjedhjeve elektorale, Kryeministri I Shqipërisë z. Edi Rama organizoi një mbrëmje speciale për të gjithë zyrtaët në Pallatin E Brigadave.
Kjo është lista e peshëngritësve më të dalluar shqiptarë në arenën kombëtare dhe atë ndërkombëtare.
